تصوير : عمر خضر
من عند إيما ، العزيزة ، جئنا ببعض الكشافات الليلية ، كي أغامر للحظات في ظلماتي واستكشف الطرق المجهولة التي لا أعرف - يقينًا - أي شيء عنها ، سأحاول أن أكون صادقًــا ، أقول أحاول .. لكني لا أعد بشيء
لما بتشوف واحدة جميلة قوي بتشيل عينك بعد قد إيه؟
واشيل عنيا لية ؟
اولا : مادمت حسيت انها جميلة ، وده من الصعب بالمناسبة ، فعمري ما هشيل عنيا ، لأني بحب الجمال
لكن نتكلم عن مفهوم الجمال ، اللي المفروض اني شفته في أي بنت
لو كان القصد الجمال بمعني العُـري ، وانها كلمة مستترة يقصد صاحبها ( الجمال . هه ؟ مع غمزة عين ) فللأسف الشديد سأخيب ظنه جدًا
لأن جمال المرأة العاري المتاح للجميع ، يثير اشمئزازي ، ويشعرني بالغثيان
لو كان المقصد جمال الجسم ، حتي لو كان محتشم ، فدعني اصدم البعض واقول انني لا اعترف بتفوق انثي على انثي في هذه النقطة
لأنها تركيبة تشريحية واحدة ، لا تتغير في اساسياتها ، ولكن قد تختلف في نسبتها
جمال المرأة الذي أراه - وبلا أي فلسفة أو تحذلق - هو عينيها
روحها التي تطل من عينيها .. العين المنيرة المتفتحة ، الواعية ، الساحرة
والعيون لا تتشابة او تتكرر في ظني
هذا الجمال أعجز عن استرداد عيني من أسره
المرأة المفكرة ، كنز في رأيي
لأنها تخطت أسر انوثتها ، وفكرت بشيء - لا تستعمله المرأة عمومًا إلا في نصب الشباك - يبتعد عن دائرة انوثتها
لو لك 3 أمنيات هيتحققوا.. هيكونوا إيه؟ (بس حاجة خاصة بك أنت)؟
هذه من الاسئلة المفرحة في رأيي
من حقي الان أن أطلق لخيالي العنان ، وانا اعرف أن هناك من يتابع هذا الجنون
لكن .. 3 أمنيات ؟
ثلاثة بس ؟
إية البخل ده ؟ حتى ف الأحلام بخيل ؟
طيب ، ما علينا
انا عايز أبقي حاكم مدينة الاحلام ، في شرق خيالي
وعايز أبقي مدير أكبر شركة عملاقة للمحاسبين العرب
وعايز أقابل جيفارا ، وسبارتاكوس ، وبرميثيوس ، وفرويد ، وابن الهيثم ، و الشابي ، ومارك توين ، وشكسبير ، وجمال حمدان ، وابن بطوطة ، والمقريزي ، وعُمر بن الخطاب ، ود. فيليب ماكجوير ، و هوميروس ، وميراندا في حكاية العاصفة لشكسبير
و
للأسف الأمنيات الثلاثة خلصوا
ممكن أمنيات تانية لو سمحت ؟
آخر مرة بكيت؟
يييية
كان في يونيو الماضي
كان موضوع مش مستاهل بصراحة أصلا ، الحمد لله انه خلاص ، بح
بس مش عارف حاسس بسعادة غريبة لما افتكرت الموقف .. غريبة
إيه أكتر حاجة بتحبها في نفسك؟
دماغي
بحب دماغي بشكل غير عادي
بحب امشي بدماغي جدًا
انا عايش بيها علي كل حال
وبحس بطاقات غريبة قوي فيها
نعمل إية بقي مش مجنون ؟
عقبال عندكم !!
أكتر حاجة بقى بتكرهها في نفسك؟
دماغي برضة .. !
لأنها صرمة قديمة
تعباني ومجنناني ، وقرفاني في عيشتي
بتعمل لي مشاكل مع كل بني آدم بقابله
حتى في الشغل ، اصحابي عرفوني خلاص
ولما أقول حاجة من حاجاتي الفلسفية المجنونة يقولوا لبعض : عادي يا بني ، ده مصطفي
عيال معفنة أساسًا
أسوأ حاجة عملتها؟
يوووووووووووة
ماتعدش أساسًا ، أنا شيطان نجح في خداع كل من حوله
السؤال ده على افتراض أني بعمل حاجة كويسة أصلا ؟
مبادئك.. ثابت عليها؟
يا عم الحاج فووووق
مش لسة بقولك دماغي جزمة قديمة أصلا
لو رجع الزمن بيك مين الشخص اللي تختاره أنك متقابلوش؟
هو أي انسان قابلته شارك في تكويني دلوقتي اللي وصلت له ،
أنا بحب كل اللي مروا في حياتي ، حتى لو أساؤا ليها ، لأني بشكل ما أستفدتُ منه ، بالتالي ساعدني في الوصول لما أنا عليه الآن .. و حبي لكل من مر في حياتي ، ناتج من أنانيتي ، لأنني أحبني هكذا في الأساس .. كلام مجانين محدش ياخد ف باله
أنا بحب كل اللي مروا في حياتي ، حتى لو أساؤا ليها ، لأني بشكل ما أستفدتُ منه ، بالتالي ساعدني في الوصول لما أنا عليه الآن .. و حبي لكل من مر في حياتي ، ناتج من أنانيتي ، لأنني أحبني هكذا في الأساس .. كلام مجانين محدش ياخد ف باله
لأي مدى ممكن تضحي ؟
بافتراض اني هضحي عشان حد يستاهل ، وانا فعلا بحبه أو عشان موقف أنا مؤمن بيه
فأنا فدائي أصلا
لن تستطيع أبدًا ان تعرف أنك تؤمن بشيء ، إلا إذا كان عندك الاستعداد التام للموت في سبيله
وده كلام جيفارا ، مش كلامي بالمناسبة
بتبكي من غير سبب؟
لأ ببكي لما بتأثر بحاجة
من فترة عاصرت خيانة زوج لزوجته ، وكدبه وخداعه ليها
ده كان بقتلني ، مش بيبكيني بس
أنت قوي؟ (في تصنيفك لنفسك )؟
انا أقوي شيء حدث في هذه الدنيا أشـاسًا
حد عايز شوية قوة
تشتري قوة يا بية
حبة قوة يا هانم ، عشان تاخدي بثأرك من المضروب جوزك
يالا مفيش نصيب ، انتوا الخسرانين
********
ميرسي جدًا يا إيما على الكشافات الجميلة دي
ممكن تاني ؟
