ما نرضاشيخاصم القمر سماه
مانرضاش .. تدوس البشر بعضها
مانرضاش.. يموت جوة قلبي نداه
مانرضاش.. تهاجر الجذور أرضها
مانرضاش
قلبي جوايّ يغني
أجراس تدق لصرخة ميلاد
تموت حتة مني
الأجراس بتعلن نهاية بشر من العباد
دي الحكمة قتلتني .. وحيتني
وخلتني .. أغوص ف قلب السر .. قلب الكون
قبل الطوفان .. ماييجي
خلتني .. أخاف عليكي يا مصر
واحكي لك على المكنون
مين اللي عاقل فينا ؟
مين المجنون ؟
مين المدبوح من الألم؟
من الظالم فينا ؟ مين المظلوم ؟
مين اللي مايعرفشي غير كلمة نعم ؟
مين اللي بيبيع الضمير ؟
ويشتري بيه الدمار ؟
وهو صاحب المسألة .. والمشكلة
والحكاية والقلم
رأيت كل شيء .. وتعبت على الحقيقة
ثابلت ف الطريق .. عيون كتير بريئة
أعرف بشر
عرفوني .. ؟ لأ
لأ ماعرفونيش
قابلوني .. وقبلتهم
بمد إيدي لك
طب ليه ماتقبلنيش ؟
لا يهمني اسمك
لا يهمني عنوانك
لا يهمني لونك .. ولا بلادك
ولكن
يهمني الانسان .. ولو مالوش عنوان
يا ناس
هي دي الحدوتة
حدوتة مصرية
***
كلمات الشاعر : عبد الرحيم منصور
غناء : منير
ليست هناك تعليقات:
إرسال تعليق